“Прафесійныя” жабракі спекулююць на тэме бежанства з Украіны
На Берасцейшчыне “прафесійныя” жабракі спекулююць на тэме бежанства з Усходняй Украіны. Прадстаўляючыся ахвярамі вайсковых падзей на Данбасе, жабракі гастралююць пераважна па вёсках ды невялічкіх мястэчках рэгіёну і просяць грошы.
Такія выпадкі зафіксаваны ў Драгічанскім, Іванаўскім ды Пінскім раёнах.
Калі грамадзяне хочуць дапамагчы сапраўдным пацярпелым, то лепш звяртацца ў рэгіянальныя аддзяленні Чырвонага Крыжа.
Старшыня пінскага аддзялення Наталля Калеснік адзначыла, што акцыя па зборы ахвяраванняў для ўкраінцаў працягваецца:
– Адбываецца рэспубліканская акцыя, прысвечаная дапамозе Украіне, Павялічваецца плынь бежанцаў, якія звяртаюцца ў і ў Чырвоны Крыж. Бедарускае Таварыства Чырвонага Крыжа абвясціла дабрачынны рахунак. Тут, на месцах мы таксама імкнемся ім дапамагчы. Ім неабходыя прадукты харчавання, рэчы, медыкаменты.
Па афіцыйным дадзеным, на Берасцейшчыну пераехала каля 2 тысяч украінцаў, з якіх палова атрымала дазвол на працаўладкаванне.
Пятро Савіч, Беларускае Радыё Рацыя
Глядзіце таксама
