Настасся Кузьміна заняла першае месца ў спрынце на этапе КС
Біятланістка Настасся Кузьміна заняла першае месца ў спрынтарскай гонцы на этапе Кубка свету ў Рупольдынгу (Германія).
Спартсменка са Славакіі ўпэўнена пераадолела 7,5 км без адзінага промаху на двух агнявых рубяжах – 19 мін. 15,1 сек. Сярэбраным прызёрам стала італьянка Ліза Вітоцы – +11,5 сек. (0+0). Трэцяе месца ў Ханны Эберг са Швецыі – +29,1 сек. (0+0).
Залогам поспеху прызёраў стала добрая стральба. Беларускія біятланісткі ў першай гонцы ў Рупольдынгу дакладнасцю не вызначыліся. Лепшай стала дэбютантка беларусак на этапах Кубка свету Алена Кручынкіна, якая фінішавала 23-й – +1 мін. 25,0 сек. (0+0), Ганна Сола заняла 34-ю пазіцыю – +1 мін. 43,4 сек. (0+1), Ірына Крыўко – 36-я (+1 мін. 44,9 сек.; 2+0), Дзінара Алімбекава – 69-я (+2 мін. 32,8 сек.; 1+2), Ірына Кручынкіна – 76-я (+2 мін. 42,9 сек.; 1+1).
Этап Кубка свету па біятлоне ў Рупольдынгу прадоўжыцца 18 студзеня мужчынскай эстафетнай гонкай.
