Існая сітуацыя не спрыяе ўвядзенню расейскага рубля ў Беларусі
Беларускія ўлады не пойдуць на стварэнне эмісійнага цэнтра ў Маскве і ўвядзенне адзінай валюты з Расеяй. Так лічыць эксперт установы “Стратэгічная думка” Аляксей Харкевіч. На думку эксперта, існая сітуацыя не падштурхоўвае ўлады да ўвядзення расейскага рубля.
– Падатковы манеўр – гэта не такая вялікая страта для беларускага бюджэту, гэта 4% ВУП. Краіны, які развіваюцца, у год павінны мець прыблізна такія тэмпы росту. Гэта можна кампенсаваць папросту ростам эканомікі, і адпаведна ставіць у залежнасць такую невялікую страту для бюджэту ад страты кантролю за крэдытна-грашовай палітыкай – гэта проста нелагічна.
Магчымасць увядзення адзінай валюты ў Саюзнай дзяржаве ўзнікла пасля ўвядзення ў Расеі падаткавага нафтавага манеўру. Масква ў якасці ўмовы кампенсацыі страт ад увядзення манеўру прапанавала паглыбленую інтэграцыю.
Беларускае Радыё Рацыя, Гомель
Фота Myfin.by
