У Варшаве абмяркоўваюць пытанні бяспекі на Блізкім Усходзе (абноўлена)
Міжнародная канферэнцыя, прысвечаная пытанням міру і бяспекі на Блізкім Усходзе, якая праходзіць у гэтыя дні ў польскай сталіцы, насамрэч можа датычыць расейскай пагрозы з усходу. Аб важнасці пытання сведчыць прыбыццё ў Варшаву дзяржсакратара ЗША.
Раман Якаўлеўскі:
– Тое, што Пампэо асабіста прыбыў у Варшаву, сведчыць пра тое, што мэта – кансалідаваць, адрадзіць паўнавартасную Еўраатлантычную салідарнасць. А гэта безумоўна тычыцца, напрыклад, падтрымкі Украіны, і Расею трымаць у тонусе.
Многія невыпадкова ахрысцілі канферэнцыю антыіранскай. Словы незадаволенасці ад сустрэчы палітыкаў сусветнага фармату ў Варшаве гучалі і з Менска, кажа Раман Якаўлеўскі:
– Іранскі амбасадар у Менску зрабіў вельмі цікавыя заявы наконт ролі Ірана ў свеце. Паводле яго, Іран быў адзінай у свеце краінай, якая афіцыйна падтрымала рэжым Асада. Вось гэта дзіўна выглядае. Бо мы ведаем, што доўгі час і паўнавартасна беларуская амбасада працуе ў Дамаску. Заўсёды мы чуем ад Лукашэнкі пра безумоўную падтрымку і Асада, і Мадуры. Ён усіх падтрымлівае.
Антон Разумоўскі, Беларускае Радыё Рацыя
***
Дэлегацыі са звыш шасцідзесяці краін свету прымуць удзел у “Блізкаўсходняй канферэнцыі”, што пачынаецца сёння ў Варшаве. Двухдзённая сусрэча на ўзроўні міністарў замежных справаў прысвечаная пытанню бяспекі на Блізкім Усходзе, яе ладзяць Польшча і ЗША.
Як паведамляе польскае знешнепалітычнае ведамства, галоўныя тэмы канферэнцыі – гэта рэгіянальныя крызісы ды іх наступствы для цывільнага насельніцтва на Блізкім Усходзе, кібербяспека і новыя пагрозы ў галіне энергетыкі, барацьба з экстрэмізмам і яго фінансаваннем.
Кажа польскі палітолаг і журналіст Радаслаў Сікорскі:
– З аднаго боку наш урад едзе ў Брусель, узгадняе пазіцыю ўсяго Еўрапейскага Звяза, на Еўрапейскай Радзе, на ўзроўні Міністэрства замежных спраў, якая датычыць Ірана, Брэксіта. Потым ён дае зразумець, што не згаджаецца з пазіцыяй за якую Польшча галасавала. Гэта абуджае пачуццё нашай нелаяльнасці, таму рэпутацыя краіны можа быць страчана.
Напярэдані ў Варшаве адбылася сустрэча міністра замежных справаў Польшчы Яцэка Чапутовіча і дзяржсакратараа ЗША Майка Пампэо. Сёння ў Варшаву з трохдзённым візітам прыбудзе віцэ-прэзідэт ЗША Майк Пэнс, які выступіць на канфэрэнцыі. Запланаваная ягоная сустрэча з прэзідэнтам Польшчы Анджэем Дудам.
Сёння ў Варшаве будзе таксама падпісаная амерыканска-польская дамова на пастаўку амерыканскага комплксу ракетнай артылерыі далёкага абсягу HIMARS. Удзел у „Блізкаўсходняй канфэрэнцыі” ў Варшаве прыме таксама прэм’ер-міністр Ізраіля Беньямін Натаньягу. Польская штодзёнка “ Жэчпосполіта” піша пра планы Вашынгтона ўмацаваць усе тыпы ўзброеных сіл у Польшчы: часткова – на ратацыйнай аснове, часткова – на сталай. Але коштам павінна быць не толькі падтрымка Амерыкі ў супрацьстаянні з агрэсіўнасцю Расеі, што для Польшчы не з’яўляецца праблемай, але таксама і на Блізкім Усходзе, і ў канфрантацыі ЗША з Кітаем.
Фота TVP Parlament
