У Гародні абмяркуюць узаемадзеянне грамадскага сектару і ўладаў
2 сакавіка кампанія “Будзьма беларусамі!” і Цэнтр даследавання грамадскага кіравання SYMPA выпраўляюцца ў Гародню, каб на адмысловым прэс-клубе абмеркаваць узаемадзеянне грамадскага сектару і ўладаў у рэгіёне.
Сустрэча адбудзецца ў шэрагу цэлай серыі мерапрыемстваў, якія праходзяць у Віцебску, Магілёве, Менску і Берасці ў межах рэгіянальнай праграмы “Разам да справы”.
Да ўдзелу запрашаюцца журналісты, блогеры, грамадскія актывісты, прадстаўнікі мясцовых адміністрацый і дзяржаўных устаноў Гарадзеншчыны.
На мерапрыемстве пад назвай “Грамадзянская супольнасць у Беларусі: давер і ўдзел насельніцтва, асаблівасці ўзаемадзеяння з уладнымі структурамі дзеля мясцовага развіцця” мы разам паспрабуем вызначыць:
– Наколькі мясцовыя жыхары ангажаваныя ў працу грамадскіх арганізацый?
– Якім чынам павялічыць цікавасць грамадзянаў да грамадскіх арганізацый?
-Ці ёсць асаблівасці ўзаемадзеяння грамадскага сектару і ўладных структураў?
– Якую ролю адыгрываюць медыя ў дыялогу грамадзянаў і ўладаў?
Сваім досведам падзеляцца спікеры:
– Таццяна Кузіна, эксперт у галіне партыпасіпатыўнага кіравання (Менск), прэзентуе вынікі комплекснага сацыялагічнага даследавання, якое праводзілася ў межах “Разам да справы” па ўсёй Беларусі.
– Алег Сівагракаў, эксперт па ўстойлівым развіцці (Менск), распавядзе пра інструменты для выбудоўвання дыялогу паміж грамадскімі арганізацыямі і мясцовымі ўладамі.
– Юлія Каляда, сябра праўлення „ВелаГродна” (Гародня), раскажа пра мясцовы актывізм і паспяховае супрацоўніцтва з партнёрамі і ўладамі.
– Аляксей Шота, Рэдактар Hrodna life (Гародня), раскажа, як актывістам і журналістам наладзіць эфектыўнае супрацоўніцтва.
Удзел бясплатны, але патрэбная папярэдняя рэгістрацыя (да 14:00 1 сакавіка).
Пачатак сустрэчы а 13-й гадзіне ў Цэнтры гарадскога жыцця (вул. Кірава, 3).
Паводле прэс-рэлізу
