Як гарадзенцы адзначаюць 8 Сакавіка?
У дзень 8 сакавіка ў Беларусі, Казахстане, Грузіі і ў шэрагу іншых краін адзначаюць Міжнародны жаночы дзень як дзяржаўнае свята.
А як яго святкуюць жыхары беларускай Гародні?
– Мы адзначаем не на ўзроўні свята, а хутчэй на ўзроўні прыемнага жэсту родным, блізкім.
– І адзначаем, і не. Не робім з гэтага свята якісьці вялікі культ, але па старой традыцыі ўсё ж такі жанчын віншую.
– Усё што дораць, усё бярэм.
– 8 Сакавіка, зразумела, матулі, бабулі – самым блізкім жанчынам, якія заўсёды побач з табой, варта падарыць кветкі, каб ім прыемна зрабіць. Адзначыць нефармальна пачатак вясны.
– Веснавы настрой, усмешкі, вакол прыгажосць. Прымаем падарункі.
– Увага мужчыны свайго роднага, дарагога, любімага – сына. І тых, хто побач. Вельмі прыемнае свята, вясна.
8 Сакавіка мужчыны дораць жанчынам кветкі, а таксама, як знак пашаны, – невялічкія падарункі.
Беларускае Радыё Рацыя, Гародня
Фота newgrodno.by
