1. РАЦЫЯ
2. Грамадства
3. У Віцебску пачынаецца кампанія ў падтрымку беларускай незалежнасці

У Віцебску пачынаецца кампанія ў падтрымку беларускай незалежнасці

Грамадскае аб’яднанне “Альтэрнатыва” пачынае культурна-асветніцкую кампанію “Моладзь Віцебска за незалежную Беларусь!”.

Цягам 2019 г. у гэтым паўночным рэгіёне плануецца шэраг мерапрыемстваў, якія будуць спрыяць кансалідацыі моладзі вакол прабеларускай ідэі, а таксама падвышаць узровень грамадскага ўдзелу ў жыцці краіны.

“Будзем ладзіць нясумныя лайтовыя івенты, далучаць да кампаніі новых і новых людзей. У цэнтры ўвагі нашай актыўнасці будзе ўсё тое, што папулярызуе дэмакратычныя каштоўнасці, беларускую Беларусь, моцныя і адметныя гістарычныя цікавосткі, культурныя асаблівасці. Шэрасці ды безнадзёгі – фініш; час пашыраць нашае лепшае!”, – каментуе ідэю адзін з лідараў кампаніі.