У гонар іерарха беларускага каталіцкага касцёла
З канца траўня і цягам усяго лета ў Пінску чакаецца правядзенне Міжнароднага фестывалю арганнай музыкі памяці Казіміра Свёнтка. Сёлета касцёл адзначае 115-годдзе першага беларускага кардынала.
Краязнаўца Эдвард Злобін, у сувязі з угодкамі, прапаноўвае рэалізаваць яшчэ адзін цікавы праект – зладзіць фота-відэавыставу працаў Свёнтка:
– Усім было вядома пра хобі Казіміра Свёнтка – фатаграфаванне і відэаз’ёмку. Менавіта відэаз’ёмка Пінска 1968 года. Гэта ўнікальныя здымкі. І вельмі цікава, як гэта рабілася. Часам нельга было здымаць горад прыватнай асобе, асабліва духоўнай.
Жыццё і дзейнасць Казіміра Свёнтка неразлучна звязанае з горадам над Пінай. Тут ён адчуў покліч да святарства, скончыў семінарыю і пачынаў свой шлях пасля сталінскіх лагераў. У Пінску першы беларускі кардынал знайшоў і адвечны спачын у ліпені 2011 года.
Беларускае Радыё Рацыя
Фота bobruisk.ru
Глядзіце таксама
