Віталь Рымашэўскі: Паваленыя крыжы ў Курапатах – правакацыя ўладаў
Чарговы факт вандалізму ў Курапатах зафіксавалі актывісты, якія пікетуюць рэстаран «Поедем поедим» каля народнага мемарыялу. Паваленыя адразу 14 крыжоў, якія знаходзяцца кампактна ў двух месцах: паміж рэстаранам і мемарыяльным знакам — помнікам Вацлаву Ластоўскаму. Каментуе сустаршыня аргкамітэта па стварэнні партыі «Беларуская хрысціянская дэмакратыя» Віталь Рымашэўскі:
– Улада, безумоўна, пад шумок вырашыла зрабіць шэраг правакацый, зваліць крыжы ў Курапатах. Я лічу гэта наўмыснай правакацыяй беларускіх уладаў.
Паводле актывістаў, у народным мемарыяле больш за тысячу крыжоў. У лістападзе мінулага года ў Курапатах на ўзвышшы, празваным Галгофай, усталявалі афіцыйны мемарыяльны знак, які замовіла Федэрацыя прафсаюзаў Беларусі, а кантралявала працы Міністэрства культуры. Тым не менш, знак дагэтуль урачыста не адкрыты.
Антон Разумоўскі, Беларускае Радыё Рацыя
Глядзіце таксама
