Лукашэнка прыняў шэраг кадравых рашэнняў
Аляксандр Лукашэнка 16 траўня прыняў шэраг кадравых рашэнняў.
Як паведамляе прэс-служба прэзідэнта, намеснікам старшыні прэзідыума Нацыянальнай акадэміі навук Беларусі прызначаны Аляксандр Кільчэўскі, галоўным вучоным сакратаром НАНБ — Андрэй Іванец.
Пасол Беларусі ў Францыі і па сумяшчальніцтве ў Іспаніі Ігар Фісенка прызначаны таксама па сумяшчальніцтве паслом у Княстве Манака і Партугаліі.
Кіраўнік дзяржавы таксама ўзгадніў шэраг прызначэнняў:
старшынёй Жабінкаўскага райвыканкама — Віталя Кулака;
старшынёй Пружанскага райвыканкама — Юрыя Бісуна;
старшынёй Іванаўскага райвыканкама — Анатоля Ткачука;
старшынёй Беларускага дзяржаўнага канцэрна па вытворчасці і рэалізацыі тавараў лёгкай прамысловасці („Беллегпрам”) — Таццяны Лугіной;
генеральным дырэктарам дзяржаўнага вытворчага аб’яднання па паліве і газіфікацыі „Белпалівагаз” — Аляксея Кушнарэнкі;
генеральным дырэктарам ААТ „Менскі аўтамабільны завод” — кампанія-кіраўнік холдынга „БЕЛАЎТАМАЗ” — Валерыя Іванковіча;
генеральным дырэктарам ААТ „Кампанія-кіраўнік холдынга „Лідсельмаш” — Рыгора Іванькова;
генеральным дырэктарам рэспубліканскага вытворча-гандлёвага ўнітарнага прадпрыемства „Кампанія-кіраўнік холдынга „Беларуская цэментная кампанія” — Аляксандра Даўгалы;
рэктарам установы адукацыі „Беларускі дзяржаўны эканамічны ўніверсітэт” — Вячаслава Шуціліна;
рэктарам установы адукацыі „Беларуская дзяржаўная ордэнаў Кастрычніцкай Рэвалюцыі і Працоўнага Чырвонага Сцяга сельскагаспадарчая акадэмія” — Віталя Веліканава;
генеральным дырэктарам рэспубліканскага ўнітарнага прадпрыемства „Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве” — Вадзіма Маханько;
першым намеснікам міністра архітэктуры і будаўніцтва — Ігара Касцюкова;
намеснікам міністра архітэктуры і будаўніцтва — Аляксея Ананіча;
членам Віцебскага аблвыканкама — Міхаіла Грыба;
членам Менскага аблвыканкама — Кірыла Шыка;
членам Менскага гарвыканкама — Івана Кубракова.
