Рауль Алонса стаў галоўным трэнерам БГК імя Мяшкова
Рауль Алонса стаў галоўным трэнерам Берасцейскага гандбольнага клуба імя Мяшкова, паведамляе афіцыйны сайт БГК.
Іспанскі спецыяліст заключыў з клубам працоўнае пагадненне тэрмінам на два сезоны.
Да прыходу ў БГК Рауль Алонса працаваў памочнікам галоўнага трэнера ў нямецкім „Кіле”, у складзе якога двойчы станавіўся пераможцам Лігі чэмпіёнаў (2010, 2012), а таксама чатырохразовым пераможцам чэмпіянату Германіі (2010, 2012, 2013, 2014), трохразовым уладальнікам Кубка краіны (2011, 2012, 2013) і двойчы – Суперкубка (2012, 2014).
Сёлетні сезон пачаў памочнікам галоўнага трэнера БГК імя Мяшкова, з красавіка – выконваючы абавязкі галоўнага трэнера мяшкоўцаў.
Рауль Алонса ведае тры мовы, мае вышэйшую адукацыю і валодае вышэйшай трэнерскай ліцэнзіяй EHF Master Coach-Licence (European level).
