Як жывецца ў Ізраілі?
Большасць грамадзян Ізраіля складаюць эмігранты – габрэі з усяго свету. Ёсць сярод іх і нараджэнцы Беларусі, да таго ж і нашыя слухачы.
З Барысам Балтэ пра ізраільскую палітыку ды іншае паразмаўляў Юрка Ляшчынскі:
РР: Нядаўна праходзілі выбары ў парламент і ўвосень зноў будуць выбары.
– Першы раз у гісторыі парламентарызму – гэты парламент прапрацаваў найменш.
РР: Ён самараспусціўся.
– Праз месяц.
РР: Што гэта абазначае?
– Гэта абазначае, што будуць новыя выбары. На жаль, на маю думку, узмацняецца голас так званых расейскамоўных сіл, якія граюць у вельмі дрэнную гульню, як антырэлігійная прапаганда. Яна часам нагадвае тую антысеміцкую прапаганду, якая была ў свой час у Нямеччыне. Проста памяняйце слова габрэй на слова рэлігійны і ў вас атрымаецца адно і тое ж. Гэта кажа пра тое, што шмат людзей, якія прыехалі з Савецкага Саюза, не маюць і не жадаюць мець ніякага дачынення да габрэйства – гэта вельмі балючая справа. Я не кажу, што гэта ўсе, але вельмі вялікі адсотак. Акрамя таго, гэта таксама, як і ва ўсім свеце, бітва паміж левымі і правымі, паміж уладай і апазіцыяй.
Цалкам гутарку слухайце ў далучаным файле:
Беларускае Радыё Рацыя
