У МЗС Расеі заявілі аб рызыцы пачатку ядзернай вайны
Рызыка ўзнікнення ядзернай вайны ў сучаснай міжнароднай сітуацыі існуе. Пра гэта заявіў у чацвер намеснік міністра замежных спраў РФ Сяргей Рабкоў, выступаючы на прэзентацыі дакладу «Новае разуменне і шляхі ўмацавання шматбаковай стратэгічнай стабільнасці» ў прэс-цэнтры ТАСС.
„Ёсць рызыка ўзнікнення ядзернай вайны. Асабліва прыкметна негатыўная дынаміка праяўляецца ў апошні год”, – сказаў дыпламат.
Паводле яго слоў, дзеянні заходніх калегаў становяцца больш эмацыйнымі і часамі вельмі агрэсіўнымі. „Яны пазбягаюць абмеркавання наспелых пытанняў па сутнасці, блакуюць працу дыялогавых каналаў, працягваюць расхістваць архітэктуру кантролю над узбраеннямі, мэтанакіравана праводзяць адкрыта дэструктыўную лінію на злом напрацаваных дзесяцігоддзямі эфектыўных дамоўных механізмаў у сферы бяспекі і стабільнасці”, – растлумачыў Рабкоў.
„Гэта вельмі небяспечныя і безадказныя паводзіны. Яны прывядуць да вельмі негатыўных наступстваў для стратэгічнай стабільнасці”, – сказаў на заканчэнне намеснік міністра.
Ён дадаў, што ядзерныя дзяржавы павінны пацвердзіць недапушчальнасць ядзернай вайны. „Трэба, каб адказныя ядзерныя дзяржавы перапацвердзілі недапушчальнасць ядзернай вайны. Ёсць класічныя формулы. Яны былі абгрунтаваныя, у тым ліку з удзелам з амерыканскага боку прэзідэнта Рональда Рэйгана, які з’яўляецца кумірам шматлікіх цяперашніх дзеячаў, якія задаюць тон у Вашынгтоне”, – сказаў Рабкоў.
Фота: russian.rt.com
Глядзіце таксама
