У Наваградку адкрылі ўязную браму
Падчас святкавання юбілею ў Наваградку адкрылі ўязную браму.
Адзін са старажытных гарадоў Гарадзеншчыны – Наваградак адзначыў 975-годдзе.
Урачыстае адкрыццё адбылося ў цэнтры горада, яно мела назоў “Сіла мінулага — у гісторыі, сіла будучага – у нас”. Суправаджалася адкрыццё тэатралізаваным пралогам “Слаўны горад Нваваградак у легендах і гісторыях”.
Парадавалі наваградчан і гасцей горада фестываль гістарычнай рэканструкцыі і ўрачыстае адкрыццё памятнага знаку “Уязная брама”, а таксама сквера на вуліцы Адама Міцкевіча і новага будынку цэнтра сацыяльнага абслуговання насельніцтва.
Калекцыянер Уладзімір Ліхадзедаў прэзентаваў сваю новую фотакнігу “Наваградак. Падарожжа ў часе”. А мастакі здзіўлялі прысутных вернісажам “Наваградскі Манмартр”.
Юбілейнае свята ў Наваградку аздаблялася рознымі конкурсамі, выставамі, выступленнем пісьменнікаў, песнямі, гандлем і салютам.
Беларускае Радыё Рацыя, Наваградак
Фота novgazeta.by
