У Менскай вобласці затрымалі буйнога наркадылера
Беларускія і расійскія аператыўнікі па супрацьдзеянні наркагандлю спынілі буйны канал пастаўкі наркатычных рэчываў у нашу краіну з Расеі, паведаміла ў Тэлеграм-канале прэс-сакратар МУС Вольга Чамаданава.
Таксама выяўлена сетка іх распаўсюджвання на тэрыторыі Беларусі і расейскага горада Смаленска. У суме канфіскавана 8 кг наркотыкаў (метамфетамін, метылэфедрона, гераін, гашыш, марыхуана), што прызначаліся для рэалізацыі на тэрыторыі дзвюх дзяржаў.
Аперацыю па затрыманні наркадылера аператыўнікі Менскай вобласці праводзілі ў Мінску на вуліцы Нёманскай – менавіта там рэалізатар захоўваў забароненае нарказеллле. Непасрэдна ў момант затрымання ў мужчыны выявілі і канфіскавалі каля 250 грамаў ўжо пафасаванага дурману, які прызначаўся для рэалізацыі ў Менскім раёне. А другую частку наркотыкаў у колькасці амаль 8 кг выявілі і канфіскавалі на тэрыторыі Смаленска супрацоўнікі ГУНиПТЛ МУС Беларусі і мясцовай паліцыі.
36-гадовы затрыманы расеяц раней быў неаднаразова судзімы за рабаванне, махлярства, крадзеж і хуліганства. Па словах начальніка УНіСГЛ УУС Менскага аблвыканкама Алега Сільвестровіча, ён пры дапамозе мэсэнджараўв спісваўся з пастаўшчыком наркотыку і, атрымліваючы каардынаты схованак, забіраў тавар на тэрыторыі Смаленска. Там жа ён паспяваў майстраваць схованкі для спажыўцоў. Пры гэтым асабісты кантакт з пастаўшчыкамі і патэнцыяльнымі пакупнікамі адсутнічаў. Такім жа спосабам мужчына наладзіў збыт наркотыку больш дробным рэалізатарам і на тэрыторыі Беларусі.
Зараз у дачыненні да затрыманага ўзбуджаная крымінальная справа па ч.3 арт.328 (незаконны абарот наркатычных сродкаў, псіхатропных рэчываў і прэкурсораў) Крымінальнага кодэкса Беларусі. Упраўленнем Следчага камітэта па г. Мінску праводзіцца расследаванне.
