У Беластоку пачаўся 10-ты літаратурны фестываль ZEBRANE
Сустрэчы з аўтарамі «важных і пекных кніжак», як зазначаюць арганізатары, будуць ладзіцца ад сёння, 9 кастрычніка, да 16 кастрычніка ў клубе Zmiana Klimatu, што на вуліцы Варшаўскай, 6.
У рамках фестывалю сёлета запланавана больш дзесяці мерапрыемстваў – у першую чаргу сустрэчы з пісьменнікамі розных жанраў.
Мерапрыемства, мэтай якога з’яўляецца папулярызацыя чытання і навучання чытанню, арганізуецца асацыяцыяй Bestseller Factory.
Сённяшні галоўны госць фэсту – паэт, эсэіст, празаік Адам Загаеўскі. Апошнім у праграме пазначаны канцэрт гурту Voo Voo. Уваход на ўсе імпрэзы вольны.
Беларускае Радыё Рацыя
