СК правёў эксперымент з бацькам, які падазраецца ў забойстве дачкі
Ва Упраўленні Следчага камітэта па Гарадзенскай вобласці расследуецца крымінальная справа ў дачыненні да 25-гадовага жыхара Зэльвенскага раёна. З удзелам падазраванага і яго сужыцелькі праведзены праверкі паказанняў на месцы. Следчым дапытаныя сведкі, прызначаны шэраг экспертыз. Праводзяцца следчыя і іншыя працэсуальныя дзеянні, па выніках якіх будзе дадзена канчатковая прававая ацэнка дзеянням мужчыны. Расследаванне крымінальнай справы працягваецца, паведамляе sk.gov.by.
18 кастрычніка каля 23.30 у міліцыю паступіла паведамленне з установы аховы здароўя аб тым, што да іх у несвядомым стане дастаўлена чатырохгадовая дзяўчынка з множнымі пашкоджаннямі. Бацька дзіцяці затрыманы па падазрэнні ў здзяйсненні злачынства, прадугледжанага арт. 14 і п. 2 ч. 2 арт. 139 (замах на забойства заведама малалетняй асобы) Крымінальнага кодэкса Рэспублікі Беларусь.
Згодна з матэрыяламі крымінальнай справы, у той жа дзень каля 20.00 бацька збіз дзіця за тое, што яна яго не паслухалася. Мужчына стаў трэсці дзяўчынку, наносіць удары рукамі і нагамі, кідаў яе, пасля чаго яна страціла прытомнасць. Спалохаўшыся, мужчына выклікаў экстранныя службы, да прыезду медыкаў сам спрабаваў аказаць ёй дапамогу. Дзяўчынка была шпіталізаваная ў рэанімацыйнае аддзяленне, аднак вечарам 20 кастрычніка яна памерла, не прыходзячы ў прытомнасць.
Устаноўлена, што дзяўчынка знаходзіліся на апецы бацькі разам з сястрой 2016 года нараджэння. Яна перададзена органам апекі і накіравана ва ўстанову аховы здароўя, на целе дзіцяці таксама выяўленыя цялесныя пашкоджанні. Дзеці раней ужо канфіскоўваліся з сям’і, так як знаходзіліся ў сацыяльна-небяспечным становішчы, але ўвосень 2018 году былі вернутыя. Іх маці пазбаўлена бацькоўскіх правоў.
Глядзіце таксама
