Да студзеня Беларусь будзе тэхнічна гатова да ўвядзення ID-карт
Да студзеня 2020 года ў Беларусі будзе створана тэхнічная інфраструктура для ўвядзення ідэнтыфікацыйных карт грамадзян, якія заменяць цяперашнія пашпарты, паведаміў начальнік упраўлення стратэгічнага развіцця Міністэрства сувязі і інфарматызацыі Сяргей Новікаў.
Ён паведаміў, што ў ID-карту будзе ўбудаваны чып з біяметрычнымі дадзенымі аб грамадзяніне, а таксама яго электронны лічбавы подпіс.
Для выезду за мяжу беларусам будзе выдавацца біяметрычны пашпарт. У будучыні для паездак за мяжу можна будзе выкарыстоўваць і нацыянальную ID-карту, аднак найперш беларускія ID-карты павінны быць прызнаныя міжнароднай арганізацыяй, якая забяспечвае абмен дадзенымі і ўзаемнае прызнанне біяметрычных дакументаў.
Па словах прадстаўніка Мінсувязі, Беларусь ужо ўступіла ў гэтую арганізацыю.
Беларускае Радыё Рацыя
Глядзіце таксама
