Хто выступіць на футбольным Еўра-2020
Завяршыўся асноўны адборавы турнір да фінальнай часткі еўрапейскага футбольнага чэмпіянату. 20 дружын ужо дакладна выступяць на Еўра-2020. Яшчэ 4 вызначацца праз плэй-оф Лігі нацый.
Найперш пералічым усіх фіналістаў якія выйшлі з адборавых груп з першых-другіх месцаў:
A: 1. Англія, 2. Чэхія
B: 1. Украіна, 2. Партугалія
C: 1. Германія, 2. Нідэрлянды
D: 1. Швайцарыя, 2. Данія
E: 1. Харватыя, 2. Уэльс
F: 1. Іспанія, 2. Швецыя
G: 1. Польшча, 2. Аўстрыя
H: 1. Францыя, 2. Турцыя
I: 1. Бельгія, 2. Расея
J: 1. Італія, 2. Фінляндыя
Упершыню на Еўра з гэтых 20 дружын выступіць каманды Фінляндыі.
Па выніках адбору сфармаваныя ўжо ўсе кошыкі для лёсавання, якое, аднак, будзе толькі частковым.
Кошык 1: Бельгія, Італія, Англія, Германія, Іспанія, Украіна. Кошык 2: Францыя, Польшча, Швайцарыя, Харватыя, Нідэрлянды, Расея. Кошык 3: Партугалія, Турцыя, Данія, Аўстрыя, Швецыя, Чэхія. Кошык 4: Уэльс, Фінляндыя + чатыры пераможцы стадыі плэй-оф.
Паколькі Еўра-2020 будзе праходзіць у розных гарадах розных краін, падзел па фінальных квартэтах будзе размеркавальна-лёсавальным.
Спачатку прыгадаем усе краіны, дзе пройдзе фінальная стадыя Еўра (чэмпіянат пройдзе з 12 чэрвеня па 12 ліпеня): Азербайджан, Данія, Англія, Германія, Венгрыя, Італія, Нідэрлянды, Ірляндыя, Румынія, Расея, Шатляндыя, Іспанія.
Краіны, што прымуць Еўра, пры лёсаванні будуць разведзены. Аднак, гульні квартэту В пройдуць як у Пецярбургу, так і ў Капенгагене. Таму дружыны Расеі і Даніі апынуцца ў адной групе. Да ўсяго паводле палітычных прычын будуць разведзены Украіна (кошык 1) і Расея (кошык 2). А акрамя Украіны, дзяржавай гаспадыняй чэмпіяната Еўропы з першага мацнейшага кошыку не з’яўляецца толькі Бельгія. Таму Бельгія якраз трапіць у групу з Расеяй і Даніяй. Што цікава, бельгійцы ў адборавым турніры гулялі якраз з расейцамі і перамаглі іх двойчы – 3:1, 4:1.
Акрамя ўсяго, у групу В не патрапіць дружына Косава, калі пройдзе ў фінальную стадыю праз плэй-оф. Яе развядуць з Расеяй па палітычных матывах.
Таксама ўжо вядома, што Украіна апынулася ў групе С з камандай Нідэрляндаў.
Цяпер пра тое, як пройдзе плэй-оф у Лізе нацый, які вызначыць апошніх чатырох уладальнікаў квіткоў на Еўра.
Вось гэтыя шляхі з Лігі нацый (ад слабейшых з D да мацнейшых з А, выходзяць пераможцы квартэтаў):
„D”: Грузія — Беларусь, Паўночная Македонія — Косава. „С”: Шатляндыя — С4 (з лігі „С”), Нарвегія — Сербія. „В”: Боснія і Герцагавіна — Паўночная Ірляндыя, Славакія — Ірляндыя. „А”: Ісляндыя — А4 (з ліги „С), А2 (з лігі „С”) — А3 (з лігі „С”).
У паўфінальных парах першымі названыя гаспадары поля. Усе паўфіналы пройдуць 26 сакавіка, фіналы – 31 сакавіка.
Яшчэ 4 зборныя, якія будуць удзельнічаць у плэй-оф – гэта Балгарыя, Ізраіль, Венгрыя і Румынія. Іх шлях вырашыць жараб’ёўка – адна дружына пойдзе па шляху С, а іншыя тры далучацца да Ісляндыі на шляху А і будуць размеркаваны ў адпаведнасці з сваім рэйтынгам у Лізе нацый.
Беларускае Радыё Рацыя
