Ці ведаюць беларусы свае правы?
10 снежня 1948 года была прынята Усеагульная дэкларацыя правоў чалавека. Але гэта для беларускіх грамадзян такі далёкі і невядомы дакумент, як і Канстытуцыя Рэспублікі Беларусь.
Яшчэ з савецкіх часоў нашы грамадзяне не прызвычаіліся думаць, як важна ведаць гэтыя дакументы для абароны сваёй чалавечай годнасці.
У Беларусі абараніць свае правы вельмі складана, калі наогул магчыма, таму такой тэмай людзі і не цікавяцца, – кажуць баранавіцкія сябры Таварыства беларускай мовы:
– Той “праў”, у каго больш праў.
– Няшмат людзей кампетэнтных. Няшмат тых, хто звяртаецца, калі гэта не зусім прыціскае.
– Правы ведаюць, але абараняць не кожны наважваецца, таму што ўсе баяцца, што будзе яшчэ горш.
– Напэўна, большая палова насельніцтва не ведае пра свае правы. Усе прызвычаіліся неяк так жыць лагодна. Калі супрацівішся, цябе выганяць з працы і пасля – шукай. А дзе ты яе адшукаеш?
Паводле людзей, пры цяперашняй сістэме, створанай Аляксандрам Лукашэнка, бараніць правы чалавека пры фактычнай адсутнасці судоў, пракуратуры і іншых праваахоўных органаў проста немагчыма. Але патрэбна спачатку правы ведаць, тады хутчэй узнікне іх жаданне бараніць, нават у гэтай сітуацыі.
Цалкам матэрыял слухайце ў далучаным файле:
Беларускае Радыё Рацыя
Глядзіце таксама
