Віншаванне біскупа Алега Буткевіча з нагоды свята
25 снежня каталікі, пратэстанты і частка праваслаўных святкуюць Раство Хрыстова. А напярэдадні свята людзі ладзяць Куццю і ўспамінаюць, што добрага і вартага зрабілі яны за мінулы год. А таксама просяць прабачэння ў сваіх родных і знаёмых за дрэнныя ўчынкі і словы напярэдадні свята падчас вігілійнай вячэры пры дзяленні аплаткамі.
Як кажа біскуп Віцебскай дыяцэзіі Алег Буткевіч, толькі прынятая людзьмі Божая любоў, ласка і міласэрнасць дапаможа пераадольваць цяжкасці, непаразуменні і складаныя сітуацыі ў жыцці. Таму ён жадае слухачам Беларускага Радыё Рацыя, каб Божая любоў заўсёды панавала ў іх сэрцах:
– Шаноўныя радыёслухачы, з нагоды надыходзячага свята Божага нараджэння хачу шчыра павіншаваць з гэтым вялікім святам, з гэтай вялікай падзеяй. Пажадаць глыбокай веры, перадусім веры ў Божую моц, але і ў людскую дабрыню, міласэрнасць, прабачэнне, у тое, што чалавек усё ж такі здольны на добрае. Хачу пажадаць, каб гэтую дабрыню, закладзеную ў кожнага чалавека Богам, мы змаглі праявіць, каб верылі больш у дабро ў гэтым свеце, чым у зло. Яго менш, хоць яно больш крыклівае.
У дадатак Божага благаславенства, святла, супакою і радасці на надыходзячыя святы і на новы 2020 год жадае біскуп Алег Буткевіч слухачам нашага радыё.
Таццяна Смоткіна, Беларускае Радыё Рацыя
Глядзіце таксама
