У Берасці заклікаюць ахвяраваць грошы на штрафы
Ахвяраваць грошы на пакрыццё штрафаў за ўдзел у акцыях супраць беларуска-расейскай інтэграцыі заклікаюць у Берасці. Пра гэта паведаміў праваабаронца Уладзімір Вялічкін.
Сума, якая назбіралася, сапраўды, вельмі вялікая, і ўдзел у дапамозе толькі вітаецца, – адзначыў эксперт у галіне права:
– Я хацеў бы папрасіць неабыякавых беларусаў, як у Беларусі, так і ў замежжы, не забыць тых ахвяраў рэжыму, якія пацярпелі праз свой удзел у супраціве супраць інтэграцыі. Усе ведаюць, што яны атрымалі велізарныя штрафы, а хто атрымаў і па некалькі разоў пакаранне арыштам.
Паводле Уладзіміра Вялічкіна, каб дапамагчы ахвярам рэжыму, дастаткова знайсці рахункі для пералічэння сродкаў у інтэрнэце.
Беларускае Радыё Рацыя, Берасце
Глядзіце таксама
