1. РАЦЫЯ
2. Грамадства
3. У Гомельскай вобласці абясшкоджаныя авіябомбы пасляваеннага перыяду

У Гомельскай вобласці абясшкоджаныя авіябомбы пасляваеннага перыяду

У дзесяці кіламетрах ад вёскі Азёршчына Рэчыцкага раёна на прагаліне ў лясным масіве мясцовыя жыхары выявілі дзве авіябомбы.

Прыбыўшыя на месца сапёры вайсковай часці 5525 пераканаліся ў дакладнасці атрыманай інфармацыі і выявілі яшчэ два боепрыпасы, абследаваўшы прылеглую тэрыторыю на прадмет схаваных пагроз.

У выніку вайскоўцы вынялі савецкія авіябомбы пасляваеннага перыяду ФАБ-50 у колькасці двух штук, ФАБ-100 і ФАБ-250. Са слоў спецыялістаў, агульная колькасць выбуховага рэчыва ў боепрыпасах складае каля 220 кілаграмаў.

У часы Савецкага Саюза на тэрыторыі гэтага ляснога масіву размяшчаўся палігон для бомбакідання. Верагодна, выяўленыя боепрыпасы знаходзіліся там яшчэ з тых часоў, паведаміла прэс-служба ўнутраных войскаў.

zviazda.by

Глядзіце таксама

Эвакуацыя 10 тысяч чалавек у Берліне

У Менску п’яны пасажыр заявіў пра бомбу на станцыі метро…

Беларус успамінае выпрабаванне атамнай бомбы на Тоцкім палігоне

У Гарадку прайшлі манеўры „Anakonda-18”