Віталь Рымашэўскі ацаніў рызыкі новай сустрэчы Лукашэнкі і Пуціна
Па меркаванні сустаршыні Беларускай хрысціянскай дэмакратыі Віталя Рымашэўскага, перамовы Аляксандра Лукашэнкі і Уладзіміра Пуціна ўжо не нясуць вялікай пагрозы незалежнасці Беларусі. Нядаўнія заявы кіраўніка Беларусі, накіраваныя супраць расейскага кіраўніцтва, вобразна кажучы, дэнансавалі ўсе ранейшыя абяцанні і дамоўленасці аб паглыбленай інтэграцыі.
Таму можна чакаць, што ў выніку перамоваў кіраўнікоў Беларусі і Расеі не будзе ніякіх падпісанняў дарожных мапаў і істотных крокаў па інтэграцыі і збліжэнні краінаў.
– На фоне тых заяваў, якія зрабіў Пуцін – змена Канстытуцыі, змена па-сутнасці дзяржаўнай улады ў Расеі – гэта абвешчаны ўжо асноўны сцэнар, па якім Пуцін працягне ўтрымліваць уладу ў Расеі. Анексія Беларусі пры гэтым сцэнары не такая ўжо патрэбная, яна не разглядаецца. Хаця рускія па-ранейшаму, я думаю, будуць настойваць на пазбаўленні Беларусі незалежнасці. Але, відавочна, што нават для Лукашэнкі гэтыя ўмовы сёння непрымальныя.
Але па яе выніках не чакаецца нейкіх істотных зменаў ці крокаў па збліжэнні Беларусі і Расеі. Хутчэй у бліжэйшыя гады трэба рыхтавацца да пагаршэння адносінаў паміж краінамі. У выніку чаго Расея будзе скарачаць падтрымку Беларусі. Адпаведна, краіна будзе бяднець, а незадаволенасць людзей кіраваннем Лукашэнкі – нарастаць. Магчымы адказ уладаў – „закручванне гаек”, далейшае ўзмацненне кантрою ўнутры краіны. Да гэтага трэба рыхтавацца. Але галоўнае, трэба рыхтавацца да абароны незалежнасці, – кажа Віталь Рымашэўскі.
Беларускае Радыё Рацыя, Менск
