Гораду Прыпяць – 50 год
Гораду Прыпяць, які знаходзіцца ў трох кіламетрах ад ЧАЭС, – 50 год. У лютым 1970 года ўзнік горад, які праіснаваў усяго 16 год. Жыхароў Прыпяці эвакуявалі на наступны дзень пасля катастрофы на атамнай электрастанцыі.
Відавочцы тых падзей узгадваюць, што была абвешчаная часовая эвакуацыя:
– Аб’явілі па радыё, падагналі аўтобусы, прызначылі час у кожным квартале. Людзі выйшлі, селі ў аўтобусы і з’ехалі. Мы не ведалі, што адбываецца. Нам увогуле казалі, што на пару дзён на майскія святы з’едзем, а потым прыедзем назад.
– У Прыпяці я жыў з 1975 года, у дзень аварыі я быў у арміі. Спачатку пра тое, што ўзарвалася там, даведаўся ў арміі, потым бацькі паведамілі, што іх вывезлі, што яны ў іншым месцы, і каб вяртаўся ўжо менавіта туды.
Да чарнобыльскай трагедыі ў Прыпяці пражывала больш за 47 тысячаў чалавек. Цяпер горад атамшчыкаў знаходзіцца ў Чарнобыльскай зоне адчужэння.
Беларускае Радыё Рацыя
Фота: chornobyl.com.ua
Глядзіце таксама
