Лекцыя „Курапаты: гістарычны кантэкст” у Гомелі

22 лютага ў Гомеле адбудзецца публічная лекцыя „Курапаты: гістарычны кантэкст” Міколы Крывальцэвіча, удзельніка археалагічнай экспертнай групы па эксгумацыі ў 1988 годзе.  

 

 

Мікола Крывальцэвіч – адзін з трох удзельнікаў (Зянон Пазьняк, Мікола Крывальцэвіч, Алег Іоў) археалагічнай экспертнай групы па эксгумацыі ў 1988 годзе  пахаванняў і даследавання месца масавых расстрэлаў органамі НКУС у Курапатах. Аўтар навуковых і навукова-папулярных прац па выніках эксгумацыі магіл у Курапатах.

 

Даследванні ў Курапатах, 1988 год, фота Міколы Крывальцэвіча.  

 

Мерапрыемства арганізоўвае кампанія „Праваабаронцы супраць смяротнага пакарання” сумесна з гомельскай ініцыятывай „Забітыя і забытыя”. Акрамя лекцыі:  размова-дыскусія на тэму смяротнага пакарання,   адкрыццё выставаў „Апошні кат Еўропы” і „Вышэйшая мера”,  22 лютага 15.00 па адрасе Палеская 52.