Размяркуюць дазволы на перавозкі ў Расею і Польшчу на II квартал
У Міністэрстве транспарту і камунікацый расказалі, якія віды дазволаў на міжнародныя перавозкі грузаў аўтамабільным транспартам будуць размяркоўвацца на другі квартал 2020 года.
Сярод дазволаў Польшчы, якія падпадаюць пад размеркаванне, – двухбаковыя і транзітныя, проста транзітныя, а таксама на перавозкі ў/з трэціх краін. Што датычыцца дазволаў Расеі, яны будуць размяркоўвацца на перавозкі грузаў у/з трэціх краін па трох катэгорыях. Першая з іх не ўключае перавозкі ў/з Італіі, другая – Італіі і Германіі. У трэцяй выключаны шэраг краін (Аўстрыя, Бельгія, Германія, Італія, Францыя, Польшча, Нідэрланды і Чэхія).
Аўтамабільным перавозчыкам неабходна інфармаваць транспартную інспекцыю на яе афіцыйным сайце ў перыяд па 27 лютага ўключна аб намеры атрымаць дазволы, якія падпадаюць пад размеркаванне на другі квартал 2020 года.
