Падатковыя інспекцыі Польшчы заклікаюць карыстацца электроннымі паслугамі
Падатковыя інспекцыі Польшчы заклікаюць карыстацца электроннымі спосабамі складання дэкларацыяў.
„Абмяжоўваючы прамыя кантакты, знізім рызыкі, звязаныя з патэнцыйным распаўсюдам каронавіруса, што павінна стаць нашым агульным прыярытэтам”, – з такім заклікам у прыватнасці звяртаецца прэс-сакратар Падатковай інспекцыі ў Беластоку Радаслаў Ганцэвіч.
– У сувязі з небяспекай заражэння каронавірусам, Падатковая інспекцыя ў Беластоку заклікае ўсіх кліентаў падаткавай інспекцыі Падляшскага ваяводства карыстацца тэлефоннымі і электроннымі паслугамі інспекцыі.
У выпадку ўзнікнення пытанняў па запаўненні гадавой падатковай дэкларацыі, Радаслаў Ганцэвіч заклікае скарыстацца тэлефоннай лініяй даведачнай дапамогі. Гарачая лінія працуе з панядзелка па пятніцу з 7.15 да 15.15 па тэлефоне 538 632 162.
Беларускае Радыё Рацыя
