Прыбыўшым у Нарвегію турыстам рэкамендуюць вярнуцца на радзіму
Турыстам, якія прыбываюць у Нарвегію, рэкамендавана вярнуцца на радзіму з-за сітуацыі з каронавірусам.
Напярэдадні ў гэтай краіне ўведзены 14-дзённы дамашні каранцін для ўсіх асоб, якія вярнуліся ў краіну пасля 27 лютага з дзяржаў за межамі Скандынавіі, незалежна ад наяўнасці ў іх сімптомаў каронавіруса. Аб гэтым БЕЛТА паведамілі ў пасольстве Беларусі ў Швецыі.
„Турыстам, якія прыбываюць у Нарвегію, будзе рэкамендавана вярнуцца на радзіму, – адзначылі ў дыпмісіі. – У адваротным выпадку турысты павінны будуць звязацца з мясцовым урачом. Як мяркуецца, установа аховы здароўя павінна забяспечыць выкананне такімі турыстамі рэкамендацый, аналагічных тым, што дадзены нарвежцам, якія вярнуліся з рэгіёнаў шырокага распаўсюджання COVID-19, гэта значыць 14-дзённага каранціну”.
Пры гэтым пасольства рэкамендуе ўлічваць, што ў сувязі з вялікай колькасцю хворых на душу насельніцтва сістэма аховы здароўя Нарвегіі ўжо мае вельмі высокую нагрузку. На сайце дыпламатычнай місіі размешчана інфармацыя з тэлефонамі і іншымі кантактнымі данымі службаў, куды можна звярнуцца па дапамогу ў выпадку з’яўлення сімптомаў каранавіруса.
Фота equatorial.by
