Сярэдні інкубацыйны перыяд каронавірусу – 5,1 дня
Група даследчыкаў са Школы грамадскай аховы здароўя імя Джона Хопкінса ў ЗША ўстанавіла, што сярэдні інкубацыйны перыяд захворвання COVID-19, выкліканага вірусам SARS-CoV-2, складае 5,1 дня. Медыянны час з моманту заражэння да праявы сімптомаў COVID-19 пацвярджае больш раннія ацэнкі і апраўдвае неабходнасць 14-дзённага каранціннага перыяду, пішуць амерыканскія навукоўцы.
Даследаванне паказала, што ў каля 97,5% людзей сімптомы SARS-CoV-2 выяўляюцца на працягу 11,5 дня пасля заражэння. А на кожныя 10 тысяч чалавек, змешчаных у 14-дзённы каранцін, прыходзіцца ўсяго толькі каля 100 чалавек, у якіх пасля выхаду з каранціну будуць выяўляцца сімптомы каронавіруснай інфекцыі.
Беларускае Радыё Рацыя
Глядзіце таксама
