У Беларусі пацверджаныя 86 выпадкаў COVID-19
Колькасць пацверджаных выпадкаў каронавіруснай інфекцыі COVID-19 на 25 сакавіка ў Беларусі дасягнула 86-ці. Сярод апошніх новых пяці выпадкаў – адзін у Гародні. Каронавірус выявілі ў маладога кіроўцы-дальнабойшчыка, якія вярнуўся самалётам са Швецыі.
“На сённяшні дзень ужо выпісаныя або рыхтуюцца да выпіскі 29 пацыентаў”, — паведаміла прэс-служба Міністэрства аховы здароўя ў сваім тэлеграм-канале. Працягваецца медыцынскі кантроль і лячэнне 57 пацыентаў. Яшчэ па двух пацыентах спецыялісты праводзяць дадатковую праверку “у сувязі з неадназначнасцю атрыманых вынікаў”.
На сёння ў Беларусі праведзена ўжо каля 23-х тысяч тэстаў на COVID-19.
Беларускае Радыё Рацыя
Фота: Sebastian Gollnow/ Global Look Press
