Зміцер Кучук: Трэба клапаціцца самім і не спадзявацца на дзяржаву
Паводле кіраўніка партыі „Зялёныя” Змітра Кучука, улады Беларусі безадказна падышлі да пытання распаўсюду сусветнай пандэміі каронавірусу CAVID19 у краіне.
– Безумоўна, трэба ўводзіць каранцін, хаця бы на 3-4 тыдні. І глядзець, як далей развіваюцца падзеі. Таму што, калі не будзе каранціна, то наступствы могуць быць яшчэ больш горшыя, чым яны ёсць сёння, калі не прымаць ніякіх мер. Таму, мне здаецца, трэба людзям, калі ёсць такая магчымасць, сыходзіць самім на каранцін.
Гэты самастойны карантын не вельмі складаны. Трэба выконваць элементарыя гігіенічныя патрабаванні, абмежаваць, наколькі магчыма, выхады ў горад, – клапаціцца аб саміх сябе і не асабліва спадзявацца на дзяржаву. Таму што заявы кіраўніка дзяржавы аб гэтай пандэміі дэманструюць безадказную пазіцыю. І яна паказвае, як насамрэч улады клапоцяцца пра грамадзян краіны. Мы, партыя „Зялёныя”, асуджаем такі падыход, – кажа Зміцер Кучук.
Беларускае Радыё Рацыя
