На прадпрыемстве, дзе выпускаюць матэрыялы для медычных масак, знайшлі каронавірус
59-гадовы супрацоўнік прадпрыемства «Светлагорск-Хімвалакно», дзе выпускаюць матэрыялы для запатрабаваных цяпер медычных масак, заразіўся каронавірусам. Пра гэта калегі мужчыны даведаліся 8 красавіка.
Медыкі забралі пад назіранне кантакты першага ўзроўню – гэта брыгада хворага мужчыны, якая складаецца з 9 чалавек. Месца іх працы апрацавалі антысептыкамі.
У адміністрацыі прадпрыемства цяпер вырашаюць, як мінімалізаваць рызыку распаўсюджвання вірусу без шкоды для вытворчасці. Магчыма, частку людзей адправяць у адпачынак.
8 красавіка «Светлагорскія навіны» паведамлялі, што ў райцэнтры выяўлены хворы на каронавірус.
Беларускае Радыё Рацыя
Глядзіце таксама
