Танкер з нарвежскай нафтай для Беларусі прыбыў у порт Клайпеды



Танкер з нарвежскай нафтай для „Нафтана” прыбыў у порт Клайпеды. Пра гэта паведаміў БелТА прэс-сакратар „Белнафтахіма” Аляксандр Цішчанка.

„У Клайпеду апоўдні прыбыў танкер з нарвежскай нафтай. Сёння стане пад разгрузку”, – сказаў Аляксандр Цішчанка.

Як паведамлялася, у студзені гэтага года Беларусь купіла першую партыю нарвежскай нафты (80 тыс. т) з перавалкай у Клайпедскім порце для перапрацоўкі ў ААТ „Нафтан”. У сакавіку ў порт Клайпеды для Беларусі прыйшлі яшчэ чатыры танкеры з нафтай ад трэйдараў. Яна была дастаўлена з Літвы ў Беларусь па чыгунцы.

Акрамя таго, у сакавіку дзяржаўная нафтавая кампанія Азербайджана Socar адправіла ў Беларусь тры танкеры нафты (парадку 250 тыс. т). Яна была дастаўлена ў порт Адэсы і затым прапампаваная трубаправодным транспартам на Мазырскі НПЗ. Старшыня канцэрна „Белнафтахім” Андрэй Рыбакоў паведамляў, што Socar у бягучым годзе можа паставіць у Беларусь да 1 млн т нафты.