Беларусь і Кітай абмеркавалі ўзаемадзеянне ў барацьбе з COVID-19
Беларусь і Кітай абмеркавалі ўзаемадзеянне ў барацьбе з COVID-19, паведамілі карэспандэнту ў беларускім пасольстве ў Пекіне.
«Надзвычайны і Паўнамоцны Пасол Беларусі ў Кітаі Мікалай Снапкоў у фармаце відэаканферэнцыі правёў перагаворы з намеснікам дырэктара пратакольнага дэпартамента МЗС КНР Лі Аньжун, – расказалі ў дыпмісіі. – На сустрэчы бакі абмеркавалі пытанні двухбаковага супрацоўніцтва, асобную ўвагу ўдзялілі ўзаемадзеянню дзвюх краін у барацьбе з COVID-19».
Лі Аньжун высока ацаніла развіццё Кітайска-беларускага індустрыяльнага парка «Вялікі камень», назваўшы гэты праект узорным. Яна падзякавала беларускаму пасольству за далучэнне да жалобнай акцыі КНР 4 красавіка.
Што датычыцца ўзаемадзеяння Беларусі і Кітая ў пераадоленні COVID-19 Лі Аньжун падкрэсліла: «Праз выпрабаванні вірусам беларуска-кітайскія адносіны выйдуць на зусім новы ўзровень».
У сваю чаргу Мікалай Снапкоў падзякаваў Лі Аньжун за высокую ацэнку супрацоўніцтва Беларусі і Кітая. Ён адзначыў, што гатовасць кітайскага боку даць Беларусі бязвыплатную дапамогу для барацьбы з каронавірусам з’яўляецца яшчэ адным сведчаннем «жалезнага братэрства» паміж дзвюма краінамі.
Глядзіце таксама
