Хутка будуць абвешчаны лаўрэаты “Залатога апострафа”
Ужо ў панядзелак стануць вядомыя імёны лаўрэатаў літаратурнай прэміі “Залаты апостраф”, якую штогод уручае часопіс “Дзеяслоў” за лепшыя публікацыі на старонцах свайго выдання. Кажа старшыня Саюза беларускіх пісьменнікаў і галоўны рэдактар “Дзеяслова” Барыс Пятровіч:
– Як звычайна, мы нашу прэмію дзелім на тры намінацыі: за лепшую прозу, за лепшую паэзію і за лепшы дэбют. Апоч таго, ужо некалькі гадоў запар уручаецца прэмія за вялікі ўклад у сучасную беларускую літаратуру. Такім чынам, у нас будзе чатыры лаўрэаты.
Літаратурная прэмія “Залаты апостраф” была заснаванаў 2003 годзе. Сярод яго лаўрэтаў былі такія вядомыя пісьменнікі, як Віктар Казько, Уладзімір Някляеў, Вінцэсь Мудроў, Леанід Дранько-Майсюк і іншыя.
Васіль Кроква, Беларускае Радыё Рацыя
Фота БелаПАН
Глядзіце таксама
