Менск: другая спроба адсвяткаваць Вялікдзень і не захварэць
Міністэрства аховы здароўя прасачыла ўзаемасувязь паміж святочнымі днямі і новымі захворваннямі на каронавірус, а таму раіць менчукам на Праваслаўны Вялікдзень і Радаўніцу заставацца дома.
Актуальны стан мераў і падзей на сёння ў беларускай сталіцы прадставіць наш карэспандэнт Вольга Сямашка:
– У Менску за ўвесь перыяд назіранняў агулам зафіксавана 2308 лабараторна пацверджаных выпадкаў COVID-19.
У сямі медработнікаў 4-й гарадской дзіцячай клінічнай лякарні ў Менску выявілі COVID-19.
У супрацоўнікаў «хуткай дапамогі» Менску выяўлена 90 выпадкаў.
20 красавіка абвешчаны працяг заняткаў у школах Менску і Беларусі. Аднак бацькі могуць пры падачы адпаведнай заявы працягнуць канікулы дзяцей ва ўмовах самаізаляцыі і надалей.
На выездзе са сталіцы працуюць патрулі дарожнай аўтаінспекцыі, якія масава спыняюць аўтамабілі з мэтай праверкі дакументаў і маршруту накіравання ва ўмовах неспрыяльнай эпідэміялагічнай сітуацыі.
Менчукі абмяркоўваць прагноз падзення ВУП на 6%, вынікаючае з гэтага „павяртанне ў 1990-ыя” і імавернасць, што пры такіх умовах цяперашняму Лукашэнку будзе наканаваны лёс Кебіча.
Беларускае Радыё Рацыя
Глядзіце таксама
