Чэхія ацаніла неабходнасць выдалення з краіны расейскага пасла

таму

Выдрукаваць Пракаментаваць (0) Падзяліцца

Прэм’ер-міністр Чэхіі Андрэй Бабіш ацаніў неабходнасць выдалення з краіны расейскага пасла. Яго словы перадае ria.ru.

На думку чэшскага палітыка, узмацненне напружанасці ў адносінах паміж дзвюма краінамі не патрабуе радыкальных мер, у тым ліку і выправаджэння расейскага пасла. Пры гэтым ён падкрэсліў, што Чэхія не дапусціць умяшання іншых дзяржаў у свае палітычныя справы. «Недапушчальна — калі гэта праўда — каб нейкая іншая дзяржава праводзіла тут акцыі супраць нашых грамадзян», — сказаў на заканчэнне Бабіш.

22 красавіка чэшскае выданне Respekt паведаміла пра нібыта зафіксаванае перакідванне афіцэраў спецслужбаў з Расеі ў Еўропу. Сцвярджалася, што ў аэрапорт імя Вацлава Гаўла прыбыў супрацоўнік расейскіх спецслужбаў, у багажы якога магла знаходзіцца атрута — рыцын. Нібыта пасля гэтага некалькіх чыноўнікаў, у тым ліку кіраўніка раёна Прага-6 Андржэя Коларжа, які ініцыяваў знос помніка маршалу Савецкага Саюза Івану Коневу, узялі пад узмоцненую ахову. Расейскае МЗС абвергла ўсе абвінавачванні.

Помнік Коневу ў Празе знеслі 3 красавіка. У сувязі з гэтым 10 красавіка Следчы камітэт Расеі пачаў крымінальную справу па артыкуле «Апаганьванне знакаў воінскай славы Расеі, учыненае публічна». У МЗС Чэхіі ў адказ заявілі, што лічаць пераслед сваіх чыноўнікаў замежнай дзяржавай недапушчальным.

nn.by