Менск у пене каронадзён
Лякарні і медыкі другі месяц працуюць на перадавой у барацьбе з COVID-19. Аднак рост заражэнняў працягваецца.
Актуальны стан мераў і падзей на сёння ў беларускай сталіцы прадставіць наша карэспандэнтка Вольга Сямашка:
– Сталічны хлебазавод № 10 паведаміў пра выпуск аблігацый пад 7% гадавых у валюце. Такім чынам, на адну надзейную кампанію ў Менску, якая зможа заставацца на плаву нават ва ўмовах крызісу, стала больш.
Некаторыя лекары ў Менску нанеслі на свой асабісты транспарт знак «Чырвоны крыж», як пазнаку таго, што да іх можна звярнуцца па дапамогу ў грамадскіх месцах.
Настаўнікі ў сталічных школах гатовы выставіць гадавую адзнаку па выніках папярэдніх трох чвэрцяў, калі нават вучні так і не з’явяцца ў класах.
На вуліцах з’явіліся бігборды з закалікам «Менск мый рукі».
У менскім метро ўжо працуюць смарт-камеры з цеплавізарам кітайскай вытворчасці.
У сталіцы нарэшце прайшоў дождж. У выніку ўсе дарогі напоўніліся пенай, якая ўтварылася з-за раствора «Фрылан П». Імі апрацоўваюцца вуліцы, каб знізіць рызыку распаўсюджвання каронавіруса і іншых інфекцый.
Беларускае Радыё Рацыя, Менск
Глядзіце таксама
