Ці дапаможа дзяржава іпэшнікам?
Старшыня РГА «Перспектыва» Анатоль Шумчанка акрэсліў сумныя перспектывы малога бізнесу.
Анатоль Шумчанка: У прадпрымальнікаў і на самай справе няпростая сітуацыя. Гандлю няма, значыцца няма і прыбытку. Трафік на рынках і ў гандлёвых цэнтрах значна зменшыўся, а арэнду не зніжаюць. У выніку іпэшнікам даводзіцца плаціць проста за паветра.
РР: Выйсце ёсць з гэтага тупіка?
Анатоль Шумчанка: Па-першае, неабходна зніжэнне арэндных ставак. Другое выйсце – матэрыяльная падтрымка прадпрымальнікаў дзяржавай. Мы ўжо агучылі, што патрэбна – гэта па 3 тысячы рублёў бязвыплатнай дапамогі, а таксама прадастаўленне тым, каму неабходна, крэдыта без налічэння адсоткаў.
Арэнда для некаторых крыху знізілася, а вось дзяржава дапамагаць пакуль не збіраецца.
РР: Шматлікія вымушаны будуць закрыць бізнес?
Анатоль Шумчанка: Ужо шматлікія закрыліся. Адмаўляюцца ад месцаў і сыходзяць, каб перачакаць крызіс. Можна прагназаваць значнае скарачэнне іпэшнікаў, і гэтую тэндэнцыю мы ўжо назіраем.
Кастусь Заблоцкі, Беларускае Радыё Рацыя
Глядзіце таксама
