Як бальшавікі знішчылі царкву Святога прарока Іллі
На Піншчыне сабраны дзясятак успамінаў ад старажыл пра тое, як бальшавікі знішчалі праваслаўную святыню. Царква Святога прарока Іллі ў Пінкавічах, выява якой захавалася дзякуючы малюнку Язэпа Драздовіча, была разабраная атэістамі на дровы ў пачатку 1960-х гадоў.
У мінулым годзе, сярод мясцовых жыхароў, з’явілася ідэя ўшанаваць памяць пра святыню, і на месцы царквы паставіць альбо капліцу, альбо крыж. Ініцыятыва перарасла ў цэлае даследаванне, і ўспаміны сведкаў тых падзей трапяць у брашуру па гісторыі святыні.
“Калі маеш сілы, то мусіш рабіць нешта карыснае”, – адзначае ініцыятарка Святлана Мажароўская:
– Прыйшла ў галаву такая думка – чаму ў Пінкавічах царква Пакроўская, а прастольнае свята адзначаем у Дзень Святога прарока Іллі? Гэтыя “пазлы” ніяк не супадалі. Я звярнулася з пытаннем да айца Міхаіла. І пасля гэтага вырашыла заняцца вывучэннем гісторыі нашай Іллінскай царквы.
Сярод успамінаў – аповед мясцовага 80-гадовага мастака Мікалая Казлоўскага, які ў час вайны хаваўся ў царкве ад нацыстаў, а таксама падрабязнасці аперацыі па знішчэнні царквы. Акрамя гэтага ўдалося аднавіць старажытнае паданне пра з’яўленне пінкавіцкаму пастуху на дрэве вяз абраза Святога прарока Іллі.
Пятро Савіч, Беларускае Радыё Рацыя
Фота radzima.org
Глядзіце таксама
