У Берасці можна будзе зрабіць хуткія тэсты на COVID-19
У Берасці можна будзе зрабіць хуткія тэсты на COVID-19 – экспрэс-тэсты былі дастаўлены на Берасцейшчыну з Кітая, як і ва ўсю Беларусь:
– Іх закупілі за срокі, што раней грамадзяне Беларусі збіралі праз платформу Мола-Мола. Гэтыя фінансы проста выкарыстала Міністэрства аховы здароўя для закупкі сотні тысяч тэстаў. Берасцейская вобласць атрымае адзінаццаць тысяч. Яны дазваляюць вызначыць наяўнасць антыцелаў у крыві на COVID-19. Гэта значыць, што чалавек зможа зразумець, ці перахварэў ён ужо на каронавірус.
Найперш плануецца такія тэсты накіраваць у медустановы горада. Пакуль вядома, што штодня ў Берасці робіцца да паўтысячы тэстаў на COVID-19, але гэта вельмі малая лічба. Рабіць кожнаму, хто мае падазрэнне на каронавірус, такія тэсты пакуль няма магчымасці. Рашэнні прымаюць лекары, зыходзячы са стану пацыентаў.
Аліса Поль, Беларускае Радыё Рацыя, Берасце
Глядзіце таксама
