16-ты фотаконкурс „Падляшша ў аб’ектыве імя Віктара Волкава”
Прымаюцца заяўкі на 16-ы нацыянальны фотаконкурс „Падляшша ў аб’ектыве імя Віктара Волкава”.
Тэма конкурсу – Падляшша з яго архітэктурай, прыродай, людзьмі і ўсёй культурнай мазаікай. Арганізатар не накладвае тэматычных падзелаў, стварае поле для любой інтэрпрэтацыі фатографа. У конкурсе могуць удзельнічаць фатографы як з Падляшскага ваяводства, так і з усёй Польшчы, прафесіяналы і аматары. Фатаграфіі ацэньвае журы, прызначанае з ліку фатографаў і мастакоў Падляшскага ваяводства.
Работы на конкурс павінны быць пададзены да 15 кастрычніка 2020 года. Абвяшчэнне вынікаў, цырымонія ўзнагароджання і пасляконкурсная выстава запланавана на снежань 2020 года. Выстава будзе выстаўляцца ў Музеі і Асяродку беларускай культуры ў Гайнаўцы каля года, таму што з’яўляецца выдатным дадаткам да этнаграфічных выстаў. Пазней яна „падарожнічае” па Падляшшы. У тым ліку будзе прадстаўлена ў Беластоку, Бельску-Падляшшы, Нараўцы, Кляшчэлях, Белавежы. Выстава таксама была прадстаўлена ў Берасці і Гародні ў Беларусі.
Конкурсныя работы падаюцца ў выглядзе фотадрукаў у фармаце A3 з фотаздымкамі ў электронным варыянце (jpg, tif) на кампакт-дыску. Арганізатар дазваляе адпраўляць фатаграфіі электроннай версіі на адрас: [email protected] (разам з запоўненай і падпісанай анкетай у выглядзе сканавання). Кожны ўдзельнік можа даслаць на конкурс максімум 3 фота. Каб запоўніць анкету-заяўку, можна азнаёміцца з узорамі ў офісе арганізатара альбо на сайце:www.muzeumbialoruskie.hajnowka.pl, www.hajnowka.pl .
Конкурс праходзіць пад ганаровым патранатам маршалка Падляшскага ваяводства і бургамістра горада Гайнаўкі. Арганізатар фотаконкурса – Музей і Асяродак беларускай культуры ў Гайнаўцы:
email: [email protected], http://muzeumbialoruskie.hajnowka.pl/
Паводле прэс-рэлізу
Глядзіце таксама
