У Гародні працягваюцца затрыманні
У Гародні на Савецкай плошчы затрымалі валанцёра ініцыятыўнай групы па зборы подпісаў Святланы Ціханоўскай Уладзіміра Кнігу.
Пра затрыманне распавядае сведка, сябра ініцыятыўнай групы Святланы Ціханоўскай Алег:
– Два чалавекі праходзілі побач з намі. З крыкамі: міліцыя! накінуліся на Валодзю, заламалі яму рукі, спрабавалі кінуць на зямлю. З іншага боку з’явіліся яшчэ тры маладыя чалавекі ў цывільным. Схапілі яго, упяцёх паднялі. Пад’ехаў мікрааўтобус, адчыніліся бакавыя дзверы і яго туды галавой уперад закінулі. Самі пазаскоквалі і з’ехалі.
РР: А пасля гэтага больш нікога не затрымлівалі?
– Так, больш нікога не затрымлівалі.
Праз паўгадзіны пасля гэтага затрымання ў цэнтры гораду была затрымана Вольга Каракіна – каардынатарка ініцыятыўнай групы Ціханоўскай па Гарадзеншчыне.
Яе міліцыя забрала з міні-рынку на вуліцы Паповіча. Яна там працавала. Вольга Каракіна – дзяўчына затрыманага па крымінальнай справе за гвалт у дачыненні да міліцыянтаў Зміцера Фурманава.
Беларускае Радыё Рацыя
Фота тэлеграм-канал „Гродно для жизни”
