Што адбываецца пасля «перамогі» каронавірусу ў медычных установах Баранавічаў?
Па словах Аляксандра Лукашэнкі, сказаных у пачатку ліпеня, каронавірус у Беларусі пераможаны. Пасля гэтага выказвання раённыя лякарні Берасцейскай вобласці спыняюць работу з COVID-19. Лякарні пачалі тэрмінова выпісваць каронавірусных хворых, якія павінны далечвацца дома. На Берасцейшчыне каронавіруснікаў стацыянарна будуць лячыць у Берасці, Баранавічах і Пінску.
Тым не менш штодня працягваюць паміраць ад каронавіруснай інфекцыі людзі, і нават па афіцыйнай статыстыцы. У Беларусі ўжо больш за 65 тысяч хворых на COVID-19.
Што адбываецца пасля «перамогі» каронавірусу ў некаторых з медычных установаў Баранавічаў, кажа медсястра агульнай практыкі Наталля Каролік:
– Дзіцячая паліклініка №1 на Чкалава. Мне патэлефанавалі супрацоўнікі і кажуць: палову другога паверха поўнасцю перакрылі, ізалявалі, выселілі адтуль вузкіх спецыялістаў, зрабілі кабінеты для «бруднай зоны». У нашай паліклініцы таксама ўсю тэрапію агульнай практыкі сагналі ў адзін блок, які можа закрывацца, ізалявацца.
Паводле Наталлі Каролік, лекарам і медсёстрам агульнай практыкі іх паліклінікі №3 працягваюць выдаваць спецадзенне, у якім яны павінны сядзець на прыёме. У той час як астатнія медыкі перайшлі на звычайную форму. Але даплачваюць згодна ўказа №131 за работу ў небяспечных умовах мінімальна. Па ўказу медсёстрам абяцана надбаўка па 500 рублёў у месяц.
За чэрвень Наталля Каролік атрымала 65 рублёў надбаўкі. Аналагічнае матэрыяльнае стымуляванне за аказанне медычнай дапамогі пацыентам з інфекцыямі і асобам, аднесеных да кантактаў першага ўзроўню, было з красавіка месяца.
Цалкам матэрыял слухайце ў далучаным файле:
Беларускае Радыё Рацыя
Глядзіце таксама
