У Шчучыне паставяць помнік Шарлю дэ Голю
Шчучынскі раённы выканаўчы камітэт ухваліў рашэнне „Аб стварэнні і ўстаноўцы помніка Шарлю дэ Голю”.
Помнік збіраюцца паставіць у рамках праекта ўшанавання памяці французскага палітыка Шарля дэ Голя да 130-годдзя з дня яго нараджэння.
На 29 ліпеня запланаваная сумесная прэс-канферэнцыя амбасадара Францыі ў Беларусі Дзідзье Канэса і намесніцы старшыні Шчучынскага райвыканкама Алены Пасюты, на якой будуць названыя ўмовы конкурсу на праект помніка.
Менавіта ў Шчучыне падчас Першай сусветнай вайны з ліпеня па верасень 1916 года ў нямецкім лагеры для ваеннапалонных разам з іншымі французскімі афіцэрамі знаходзіўся капітан Шарль дэ Голь – будучы генерал і прэзідэнт Францыі.
Беларускае Радыё Рацыя
Фота: mirfrance.ru
Глядзіце таксама
