Масавы мітынг у Гомелі

таму

Выдрукаваць Пракаментаваць (0) Падзяліцца

На рэкордным мітынгу ў Гомелі сабраліся людзі розных узростаў, прафесій і прыбыткаў – увесь зрэз грамадства. Прысутныя патрабавалі перамен.

Мужчына:

– Другога выбару няма. Трэба выходзіць, каб улады бачылі, што нас шмат і што мы скіраваныя рашуча. Мужчына:

– Патрыятычнасць прачынаецца, бачу, што не толькі мне аднаму не ўсё роўна, што людзі выходзяць, нягледзячы на пандэмію, каб паказаць сваю незадаволенасць.

Жанчына:

– Каб была альтэрнатыва, каб нашыя дзеці жылі ў свабоднай краіне.

У Гомелі адбыўся самы масавы мітынг. Па некаторых ацэнках, колькасць прысутных перавысіла 10 тысячаў. Удзельнікі патрабавалі перамен, а трыумвірат сустрэлі як рок-зорак: апладысментамі і радаснымі воклічамі:

– Света, мы цябе любім. – Крычалі ў натоўпе.

– Верым. Можам. Пераможам. – Гаварылі іншыя.

– Жыве Беларусь! – Працягвалі прысутныя.

– Патрэбная эвалюцыя грамадства. – Сказала жанчына з дзецьмі.

– Надакучыла! – Выказаў сваю пазіцыю мужчына з плакатам “Мы за честные выборы”.

Кандыдат у прэзідэнты Святлана Ціханоўская падчас мітынгу ў Гомелі паабяцала у выпадку перамогі новыя выбары з удзелам альтэрнатыўных кандыдатаў. Таксама яна паабяцала адпусціць палітвязняў:

– Калі вы будзеце галасаваць за Ціханоўскую, вы не будзеце галасаваць за яе як за палітыка. Вы будзеце галасаваць за Ціханоўскую як за будучыя перамены. Новыя чыстыя, празрыстыя выбары, у якіх змогуць удзельнічаць і Сяргей Ціханоўскі, і Валерый Цапкала, і Віктар Бабарыка, і ўсе альтэрнатыўныя кандыдаты.