У расейскай турме паставілі спектакль беларускага драматурга
У Чалябінскай выпраўленчай калоніі № 4 паставілі спектакль «Лялькі» па п’есе беларускага драматурга з Гомеля Васіля Ткачова.
Прэм’ера павінна была адбыцца яшчэ 9 траўня, але ў сувязі з каронавірусам яе адклалі на больш пазнейшы час. Праўда, спектакль ужо паказалі ў відэаварыянце па мясцовым кабельным тэлебачанні. Але хутка адбудзецца і прэм’ера беларускай «Лялькі» у Чалябінску. Пра гэта паведаміў нашаму карэспандэнту драматург Васіль Ткачоў. У спектаклі заняты восем жанчын-артыстак, якія асуджаны на розны тэрмін і адбываюць яго ў мясцовай калоніі.
Спектакль распавядае пра лёс жанчын, на долю якіх выпалі цяжкасці Другой сусветнай вайны. Але маладыя мамы, хоць і самыя яшчэ «лялькі», ды яшчэ з лялькамі на руках, прайшлі ўсе жыццёвыя складанасці вайны і выстаялі ў той няпросты час.
Барыс Баль, Беларускае Радыё Рацыя
Глядзіце таксама
