Сіні фургон
Не ведаю, што гэта было, але 11 жніўня ў Воршы каля 20.00 на вуліцы Караткевіча супрацоўнікі міліцыі моцна збівалі раварыста – чалавека з доўгімі светлымі валасаміі, вельмі тонкага,
Яго затрымалі каля самага Дняпра.
Ровар быў кінуты пад ліпы.
Міліцэйская машына (джып), якая гналася за ім, зя’зджала з гары на вельмі вялікай хуткасці.
Хлопца павалілі, пасля зацягнулі ў патрульную машыну (тую, што гналася), падняліся на гару, там яго выцягнулі з патрульнай машыны і сталі перасаджваць у сіні фургон.
Калі выцягнулі з машыны, то моцна білі дубінкамі. Чатыры чалавекі з дубінкамі збівалі аднаго. На зямлі.
Жанчына стала ўзросту крычала побач” „Бандыты!”
Але яны не звярталі ўвагі на яе крыкі.
У сіні фургон загрузілі таксама ровар.
Ці маюць гэтыя сцэны адносіны да пратэстаў – не ведаю, але ўзровень агрэсіі і гвалту зашкальвае.
Там, дзе затрымлівалі хлопца, трава і цяпер прымятая.
Сіня бусы-фургоны цяпер паохаюць.
Як раней быў „чорны крумкач”, так цяпер сіні фургон