Апытанне: Каму ў Беларусі сёння добра жывецца?
„Якую працу трэба цяпер мець у Беларусі, каб атрымліваць добры заробак? Каму ў Беларусі добра жывецца?” На гэтае пытанне адказваюць жыхары Магілёву:
– У сілавых структурах. Штат у іх вялікі, плоцяць ім без затрымкі. А ўсе іншыя ў галечы. 600 даляраў – афіцыйная зарплата, як гаварыў наш прэзідэнт, а дзе яны? Каму жыць добра? Работнікам нашага Белага дома і іншым кіруючым арганізацыям.
– Напэўна, толькі ўраду. Законы пастваралі. Людзей паскарачалі. А працы нідзе няма. Яшчэ і падатак увялі. – Я будаўнік, прадпрымальнік. Стараешся, робіш, зарабляеш. Усё складаней і складаней. Прыдумваюць усё больш законаў. Усё даражэе.
– Мне добра. Мяне ўсё задавальняе.
– Я не ведаю, дзе тут можна зарабіць. Пенсіі нам хапае. Канешне, калі дзецям сур’ёзна не дапамагаць.
– На любой. Каб добра зарабіць, трэба добра рабіць. Дворнікам, цесляром. Мне добра жывецца.
– Паглядзіце вакол – ніхто галодны не ходзіць, на машынах ездзяць – добра жывецца. Галоўнае – мірнае неба над галавой.
Іншыя магілёўцы адзначылі, што на іх думку, добрыя заробкі ў сферы кампутарных тэхналогій, у сілавых структурах і банкаўскай сферы. «Каб я ведаў, дзе добра зарабляюць, дык сам бы там працаваў…», – сказаў адзін з апытаных.
Беларускае Радыё Рацыя. Паводле БелаПАН.
Глядзіце таксама
